بداية الرحلة : نحنا في رواج نت عارفين انو رحلة البحث عن عمل في  الخارج بتبدا بالحصول على الترخيص المناسب   وهي عبارة  عن مجموعة من الخطوات داتا فلو    حجز امتحان    وفي بعض الحالات تصنيف  عشان كدا عبر فريقنا المتخصص والمحترف حنبدا معاك المشوار خطوة خطوة لحد ما نخليك  تتحصل على الترخيص المناسب ليك. ​ 

نتفهم مخاوفك : نحنا عارفين انو  رحلتك للبحث عن وظيفة تناسب طموحاتك بدت من زمان من فترة الدراسة والتخرج والامتياز وسنوات الخبرة  والتخصص وحاليا انت بتحصد نتاج مجهود سنوات من التعب والاجتهاد عشان كدا وفرنا ليك فريق عمل مدرب وخبير قادر انو يتوج  مجهود السنوات دي ويساعدك في انو تكمل خطوات نجاحك. 

شكرا عملاءنا الكرام :  في سنة 2023  تم تسجيلنا رسميا كاحد الشركات التابعة رسميا في داتا فلو قروب بعد ما اكلمنا اكثر من 450 طلب تحقق والفضل بعد الله بيرجع لي ثقة عملاءنا فينا ودعمهم المستمر لينا  والرقم دا كل مرة بيكبر وبينمو في سنة 2024 قدرنا نكمل  اكتر من 1600  طلب تحقق و890 طلب ترخيص ( راجع الاحصاءات من حسابنا الموثق في الاسفل )   ونحنا في رواج نت حابين نشكر كل من وثق فينا ودعمنا لانو من لايشكر الناس لايشكر الله .

سياستنا المالية : في رواج نت دائما بنسعى لنشر الوعي بالتكلفة الحقيقية  للاجراءات ولانو نحن وكيل رسمي حتلقى في موقعنا الالكتروني الأسعار الرسمية ورسوم الخدمة الخاصة برواج نت والتكاليف منشوره بالتفصيل و اي اجراء عندنا بيتم بفاتورة الكترونية مرجعية من الموقع الالكتروني  ممكن توقع عليها الكترونيا عشان  نضمن الشفافية المالية وانو مافي زول يزيد عليك في رسوم الاجراء.

(انظر النموذج في الاسفل للفاتورة الالكترونية  )

رسوم الخدمة :  ولاننا في رواج نت بنستهدف اكبر قاعدة عملاء بنقدم خدماتنا باسعار رمزية وهي الاقل حتى من الافراد  بالاضافة لانو بنقدم ليكم خدمات مجانية داخل جميع باقتنا  على سبيل المثال انو بنحتفظ بي صورة من اوراقك وشهاداتك وتقرير الداتا فلو في خدماتنا السحابية لمدة 10 سنوات يعني حتى لو اوراقك ضاعت بتقدر ترجع لينا في اي وقت بتلقى نسخة منها وكمان بنساعدك في الحصول على الماتيرال والمنهج الخاص بالامتحان وبننقل ليك تجارب عملاءنا من نفس تخصصك  الامتحنو قدامك ولو في حاجة في الرسوم والخدمات ما واضحة ما تتردد في انو تطلب المشوره من احد موظفي خدمة العملاء حيتصل عليك مكالمة فيديو ويشرح ليك كل التفاصيل ويقييم ليك شهاداتك.